Käjpxpoo’kxën: “ Wan t’yonmëjë
yë mojk yë xëjk, jëts yä’ät pyëtë´ëkt jëts yä’ät kyajaa’ët, jëts
yä’ät myuxt, jëts yä’ät tyëmët, jëts yä’ät yëk pëkt yëk ejxt, kitii
yä’ät ja katyëë’py, kiti yä’ät ja jëëkxpë, kiti yä’ät, ja joon,
ja ku’jy, myajatä’ätkëtë, këtë ja nëëj ja tuj, ja anaaw ja wëtsuk
tyuntëkëytyë. Pyëkp ja myojk pyëk ja xyëjk, xyäm tmëënyë t’në jëmkääpë,
ku t’nëyuwë ku t’nëtunë ku yä’ät ja wyëntsë’jk’iiny tpëktä’ätky,
jëts yä’ät ja et ja nyäjx myo’ët kyaxët, tyëk wumpët miti pyëktakpy
y’ejxakpy, jëts ja myokunk ja xyëjkunk yompëtsë’mt, y’ëyët pyäätët
yä’ät, jëts tni’jpyät tajujkyät japom ja pom yä et naxwiiny mä tsyënë
tyänë mëët ja nyääm - jënkääp, mëët ja y’uk - ja tyutk, mëët ja
y’unk - y’unäjk; ¡ smakëpyë! ” |